Radiolojia ya Uchunguzi na Upigaji Picha

Utangulizi

Idara ya Radiolojia ya Hospitali ya Benjamin Mkapa ni nguzo muhimu ya huduma za uchunguzi na tiba kwa njia ya picha, ikiwa na mchango mkubwa katika huduma kwa wagonjwa kutoka fani zote za kitabibu. Tangu kuanzishwa kwake, idara hii imekua na kuwa kituo cha kisasa kinachotoa huduma mbalimbali za upimaji na tiba kwa kutumia teknolojia ya hali ya juu. Ikiwa na wataalamu waliobobea wakiwemo madaktari wa radiolojia, mafundi sanifu na wataalamu wa tiba kwa picha, idara hii huchangia katika utambuzi sahihi, mipango ya matibabu, na ufuatiliaji wa tiba kwa wagonjwa wa nje na wa ndani.

---

Huduma za Idara

1. Radiolojia ya Uchunguzi:

Tunatoa huduma mbalimbali za upimaji kwa kutumia vifaa vya kisasa vya uchunguzi ili kusaidia madaktari kufanya maamuzi sahihi ya kitabibu. Huduma hizi ni pamoja na:
• X-Ray na Fluoroscopy: Picha za kawaida, vipimo vya kutumia dawa za mcontrast (mfano barium, hysterosalpingography), na taratibu zinazoongozwa na fluoroscopy.
• Ultrasound: Ikiwemo uchunguzi wa tumbo, mimba, magonjwa ya akina mama, mishipa ya damu, na misuli na mifupa.
• Mammography: Upimaji wa kidigitali wa matiti kwa ajili ya kugundua mapema saratani au matatizo mengine ya matiti, ukiambatana na biopsy inapohitajika.
• CT Scan (Computed Tomography): Upigaji picha kwa viwango vingi kwa ajili ya uchunguzi wa majeraha, saratani, magonjwa ya moyo na mishipa, na mfumo wa fahamu, pamoja na CT angiography na upasuaji unaoongozwa na CT.
• MRI (Magnetic Resonance Imaging): Upigaji picha wa ubora wa hali ya juu kwa uchunguzi wa ubongo, mfumo wa fahamu, misuli na mifupa, nyonga, na tumbo kwa kutumia MRI ya 3 Tesla.
• CT IVU na Triphasic Liver Studies: Vipimo vinavyofanyika mara kwa mara kusaidia huduma za magonjwa ya figo na saratani ya ini.

2. Radiolojia ya Tiba (Interventional Radiology):

Huduma hii inayokua kwa kasi hutumia mbinu zisizo za upasuaji (minimally invasive), zinazoongozwa na picha kwa ajili ya uchunguzi na matibabu.
• Biopsy zinazoongozwa na ultrasound au CT
• Utoaji wa majimaji kwenye maeneo yenye uvimbe au maambukizi (abscess, pleural, ascites)
• Nephrostomy na biliary drainage kwa njia ya mwanya mdogo
• Ufungaji wa mishipa ya damu (mfano PICC line)
• Mipango ya kupanua huduma kuwa na embolization na matibabu ya uvimbe (tumor ablation)

---

Rasilimali Watu na Utaalamu

• Madaktari wa Radiolojia: Wataalamu waliobobea katika radiolojia ya uchunguzi na ya tiba, wakiwa na mafunzo ya juu ya taaluma mbalimbali.
• Mafundi Sanifu wa Picha: Wenye ujuzi na uwezo mkubwa wa kuendesha mashine ngumu na kuwaweka wagonjwa kwenye nafasi sahihi kwa ajili ya picha bora.
• Wauguzi na Mafundi Wasaidizi: Wenye huruma na uelewa wa kusaidia wagonjwa kabla, wakati na baada ya taratibu za radiolojia ya tiba.
• Ushirikiano wa Kikazi: Idara hushirikiana kwa karibu na madaktari wa saratani, upasuaji, tiba ya ndani, watoto, na dharura kwa kutoa picha zenye mchango wa kitabibu.

---

Vifaa na Teknolojia

• Mfumo wa Picha wa Kidigitali (PACS): Huongeza kasi ya upatikanaji wa majibu na kuwezesha majadiliano ya kitaalamu ya fani mbalimbali.
• Chumba cha Ultrasound na CT: Vikiwa na vifaa vya Doppler, elastography na mashine za CT zenye uwezo wa kufanya upimaji wa awamu nyingi.
• Kitengo cha MRI: Kwa ajili ya huduma za hali ya juu za ubongo, misuli na tumbo.
• Chumba cha Radiolojia ya Tiba: Kwa sasa kinatumika pamoja na CT na ultrasound, lakini mipango ipo ya kujenga chumba maalum chenye fluoroscopy ya C-arm.

---

Mafanikio Makubwa

• Zaidi ya vipimo 30,000 vya picha hufanyika kila mwaka, huku idadi ya vipimo vya CT, MRI na matibabu ya radiolojia ikiendelea kuongezeka.
• Utumiaji wa viwango vya kuripoti picha umeboresha kasi ya kutoa majibu na usahihi wa utambuzi.
• Kuanzishwa kwa huduma za biopsy kwa kutumia picha kumepunguza hitaji la upasuaji wa kuchunguza magonjwa.
• Idara imechangia pakubwa katika huduma za saratani, majeraha, na magonjwa ya kuambukiza.

---

Mipango ya Baadaye

• Ujenzi wa Chumba Maalum cha Radiolojia ya Tiba: Kwa ajili ya kuweka vifaa vya fluoroscopy na angiography ili kuongeza wigo wa huduma.
• Huduma Maalum kwa Saratani: Kuunganishwa na Kituo cha Umahiri cha Saratani kwa ajili ya tathmini ya hatua za ugonjwa, ufuatiliaji wa matibabu na tiba kwa kutumia picha.
• Huduma za Tiba za Matiti na Tezi Dume: Ikiwemo biopsy ya stereotactic na kuunguza uvimbe kwa kutumia picha.
• Mafunzo na Uwezeshaji wa Wafanyakazi: Kushirikiana na taasisi za kitaifa na kimataifa kutoa mafunzo ya taaluma maalum.
• Ripoti za Kisasa na Ujumuishaji wa Akili Bandia (AI): Kutumia ripoti zilizopangiliwa na teknolojia ya AI kuboresha usahihi na kasi ya kazi.
• Programu za Upimaji kwa Jamii: Kupitia magari ya upimaji (mobile imaging) kwa huduma za uchunguzi wa matiti na tumbo kwenye maeneo yasiyo na huduma za karibu.